Ілияс Омаров атындағы
Қостанай облыстық
қазақ драма театры

І.Омаров атындағы Қостанай облыстық қазақ драма театрында мереке күндері көрермендерге «Бақ-берекем, Әз-Наурыз!» атты концерттік бағдарлама ұсынылды. Наурыз-думан  театрдың жас буын әртістері күшімен дайындалды. Наурыз – жаңару, жаңғыру айы, адам дар ұзақ қыстан аман шыққанына  қуанып, көріседі, реніш қалса кешіреді, қыстан қалған сүрін, көктемгі төлдеген малдың уызын  ішіп  әлденеді. Табиғаттың жадыраған сәті адамдардың да қуанышы, ол қазақтың әнінен, биінен, ақындардың от өлеңдерінен, жыраулардың термелерінен, шебердің оюынан, айтқыштардың әзілінен  көрініп тұрады. Ілияс театрының жастары қойған «Бақ-берекем, Әз-Наурыз» концерттік бағдарламасына осы құндылықтардың барлығы арқау болды.
         Көрермендер халықтық хикаяттар мен аңыздар кейіпкерлері Қожанасыр мен Алдаркөсенің әңгімелерін, айтқыштардың айтқандарын тыңдап, күлкіге қарық болды. Мақал-мәтердер мен жаңылтпаштар жарысы да көңілге рухани нұр себеледі. Театр сахнасынан «ауылдың алты ауызы» деп, ән мен жыр төгілді. Концерттік қойылымды театрдың көркемдік жетекшісі Баатырбек Шамбетов  сахналады.
         Қазақ драма театры қойған  Наурызнамаға арналған  концерттік бағдарлама мереке салтанатын мен қызығын асыра түсті.