Ілияс Омаров атындағы
Қостанай облыстық
қазақ драма театры

І.Омаров атындағы Қостанай облыстық қазақ драма театрында «Үрей. ІІІ Империя» спектаклінің премьерасы өтті. Театр басшылығының  арнайы шақыртуымен Англиядан келген Түрменстан өнеріне еңбегі сіңген қайраткер,  Орта Азия мен Европа елдеріне аса танымал режиссер Овлякули Ходжакули  Бертольт Брехттің «Үшінші империядағы қорқыныш пен торығу», «Баяғы сарбаз, сол сарбаз», «Кураж шешей мен оның балалары» атты шығармаларын  пьесаға бейімдеп, сахналады. Премьераны тамашалаған облыс әкімінің орынбасары Ринат Мұхаметқалиев, Облыстық мәдениет басқармасының басшысы Құралбек Атамұратов   жылдың алғашқы қойылымын жоғары бағалады.
Театр ұжымы алдағы уақытта жоғары кәсіби деңгейде сахналанған  спектакльмен  халықаралық театр фестивальдеріне қатысып, бақ сынауды жоспарлап отыр.