Ілияс Омаров атындағы
Қостанай облыстық
қазақ драма театры

Атырау қаласында Махамбет Өтемісұлының  туғанына 220 жыл толуына орай ұйымдастырылған республикалық театр фестиваліне қатысқан І.Омаров атындағы Қостанай қазақ драма театрының шығармашылық ұжымы қазылар алқасы мен көрермендердің  жақсы бағасын алды. Қостанайлық театр фестивальге «А.Л.Ж.И.Р»  спектаклін апарған болатын. Өткен ғасырдың 30-шы жылдары саяси қуғын-сүргіннің жазықсыз құрбаны болған,  зардабын шеккен әйелдердің мықтылығын, даналығын  баяндайтын спектакльді тамашалауға  көрермендер  залы лық толды. Режиссер Баатырбек Шамбетов қойған спектакльді Тұңғышбай  Жаманқұлов төрағалық еткен қазылар алқасы Махамбет Өтемісұлы атындағы арнайы жүлдесіне лайық деп тапты.  Ал театр актрисасы Жібек Үсеноваға «Екінші пландағы әйел бейнесі» номинациясы  жүлдесі берілді.